ფესტივალის ბოლო სპორტულ დაპირისპირებაში მცხეთა-მთიანეთის ბადმინტონისტთა გუნდმა უკიდურესად დრამატულ ფინალში 3-2 დაამარცხა თბილისიელები და ჩემპიონი გახდა.
პირველ შეხვედრაში მცხეთელმა ვანო გოგიშვილმა დაამარცხა გიორგი ასანიძე, მაგრამ ნინო ტუხაშვილმა მოუგო მარიამ წიკლაურს და ანგარიში გაათანაბრა.
მცხეთა-მთიანეთი ერთხელაც დაწინაურდა: გოგიშვილმა და ზურაბ მახნიაშვილმა წყვილში დაამარცხეს ასანიძე და რატი გორჯოლაძე. თბილისელ გოგონათა წყვილმა ისევ აღდგინა წონასწორობა – ტუხაშვილმა და ელენე ზუმბულიძემ მოუგეს წიკლაურსა და თათია საღირიშვილს.
გადამწყვეტი გამოდგა შერეულ წყვილთა შეხვედრის ბოლო, მესამე სეტი: მახნიაშვილმა და საღირიშვილმა მოუგეს გორჯოლაძესა და ზუმბულიძეს, 21-19.
მესამე ადგილისთვის იმერეთმა (ელენე შეყლაშვილი, ნინო გვენეტაძე, ნიკოლოზ გამეზარდაშვილი, ფრიდონ სარალიძე) 3-2 მოუგო რაჭა-ლეჩხუმისა და ქვემო სვანეთის გუნდს.
ფოტოები
