ბათუმში, საქართველოს ახალგაზრდული ოლიმპიადის ფარგლებში გაიმართა შეჯიბრება 3X3 კალათბურთში, რომელიც საინტერესოდ წარიმართა და დრამატული ფინალებით დასრულდა.
ვაჟთა შორის მესამე ადგილი კახეთმა დაიკავა, პირველ-მეორე ადგილებისთვის კი შიდა ქართლი და ქვემო ქართლი იბრძოდნენ. დაძაბულ შეხვედრაში 12:8 გაიმარჯვა ქვემო ქართლმა და რეგიონს მორიგი ოქროს მედალი მოუტანა.
ჩემპიონთა შემადგენლობა: გაბრიელ გასვიანი, გიორგი ჩარქსელიანი, ანდრია დრიაევი, პავლე წიკლაური.
გოგონათა შორის მესამე ადგილი აჭარამ დაიკავა, მეორეზე აფხაზეთი გავიდა, რომელიც 6:8 დამარცხდა თბილისთან.
ჩემპიონი თბილისის შემადგენლობა: ლიზი ხუბუა, ელენე ბოხუა, ლიზი ჯაბუა, ნინი ივანიძე.
ფოტოები
